Concello de Parada de Sil

Benvida

Benvidos a páxina web do Concello de Parada de Sil.

Horarios:

Mosteiro de Santa Cristina: de martes a domingo, de 11:00 a 14:00 h.

Casa Museo do Chocolate: de martes e domingo de 16:30 a 19:45 horas.

Oficina de Turismo - Biblioteca: de martes a domingo de 11:00 a 14:00 horas.


 

Esperamos que nesta web atopedes toda a información que necesitedes do noso concello. Ata pronto.

• Consulte as novas •

••••••••••••••••••••••••••••••••••••••••••••••••••••••••••••••••••

Descarga de aplicacións:

Sendeiros Ribeira Sacra (iOs - Android) • Be your guide (iOs - Android) • Rutea Turismo (iOs - Android) •Audioguía Ourense (iOs - Android)

Centros BTT Ribeira Sacra - Enlace a web Turgalicia

••••••••••••••••••••••••••••••••••••••••••••••••••••••••••••••••••

http://ronseldosil.com/

Facebook • Twitter • Youtube • Blog 

••••••••••••••••••••••••••••••••••••••••••••••••••••••••••••••••••

www.adegasvalcar.com

••••••••••••••••••••••••••••••••••••••••••••••••••••••••••••••••••

(28/05/2016)

O VICEPRESIDENTE DÁ XUNTA VISITOU A FÁBRICA DÁ LUZ, QUE SERÁ PUNTO DE ACOLLIDA PARA O NOVO CENTRO DE BTT DE LUINTRA

O vicepresidente da Xunta, Alfonso Rueda, visitou as instalacións do novo centro BTT para bicicletas todoterreo, en Nogueira de Ramuín, así como o albergue da Fábrica da Luz en Barxacova, que funciona como un dos puntos de acollida deste novo enclave. Con Rueda, estiveron a delegada da Xunta en Ourense, Marisol Díaz; a alcaldesa de Parada, Yolanda Jácome; o concelleiro de Cultura, Francisco Magide, e o alcalde de Nogueira de Ramuín, César Parente. Rueda resaltou a aposta do Executivo galego polo turismo sustentable, dado que cada vez máis xente “combina lecer con deporte e non hai mellor forma de facelo que ofrecer estas paisaxes, establecementos, cunha ruta ben deseñada, sinalizada e con servizos adecuados”, explicou o vicepresidente da Xunta. Considera que as novas instalacións permitirán promover o turístico sustentable e respectuoso co medio ambiente, axudando a desestacionalizar os fluxos turísticos.

 

Nesta liña, a directora de Turismo subliñou a presenza o ano pasado de 175.000 turistas e de 250.000 pernoitas. "Se poñemos que un turista gasta como mínimo ao día cen euros e multiplicamos, as cifras que se deixaron na Ribeira Sacra son 17 millóns de euros", explicou Castro, quen cre que esta nova oferta incentivará o contacto coa natureza, "primeira motivación pola que os turistas e viaxeiros elixen Galicia". O centro BTT, que percorre os municipios de Nogueira de Ramuín e Parada de Sil, dispón de dous puntos de acollida no pavillón polideportivo de Luíntra, en Nogueira, e no albergue da Fábrica dá Luz, na segunda localidade. Alí, os deportistas dispoñerán de espazos que ofrecerán servizos de información, aluguer de bicicletas, punto de lavado de bicicletas, vestiarios e alojamiento. En total, son 110 quilómetros con cinco percorridos circulares e adaptados a todos os niveis, desde a ribeira do Sil ata a cima de Cabeza da Meda.


(17/05/2016)

PARADA DE SIL HOMENAXEOU NA FESTA DAS LETRAS Ó EMPRESARIO MANUEL VALDÉS, FUNDADOR DE RADIO TELE TAXI EN BARCELONA E NATURAL DE SACARDEBOIS

NO MESMO ACTO TIVO LUGAR A ENTREGA DE PREMIOS DO CONCURSO DE MICRORRELATOS PARADA DE SIL-RIBEIRA SACRA, QUE GAÑOU A MADRILEÑA MARÍA CABEZAS

Como xa é tradicional, Parada de Sil viviu hoxe unha xornada solemne, con motivo da Festa das Letras, que o concello celebra de xeito singular, pois faina coincidir co homenaxe a un veciño que teña destacado pola sua actividade e que xeralmente reside fora do concello. Iste ano o afortunado foi Manuel Valdés, empresario feito a sí mesmo, natural de Sacardebois, e que emigrou sendo adolescente. Asentado en Barcelona desempeñou varios oficios, pero pronto se meteu a empresario do transporte, despois convertiuse en taxista, logo entrou no mundo da comunicación despois de fundar Radio Tele Taxi e hoxe Radio Pomar, onde defendeu sempre o galego e aos galegos de todo o mundo, pero especialmente aos radicados en Cataluña. Paralelamente adquiriu e reflotou as Adegas Valcar, que significou a aposta dun triunfador pola sua terra, á que volta cada vez que os seus compromisos llo permiten. A alcaldesa Yolanda Jácome destacou a traxectoria de Valdés, e afirmou que o concello síntese orgulloso de poder homenaxear a persoas que teñen feito un labor destacado no eido profesional e que ao mesmo tempo promocionan a su aterra. Agradeceu tamén o mecenazgo de Eugenio Prieto, profesor universitario en Madrid e agora xubilado, que patrocina o certame literario. Pola sua parte, o concelleiro de cultura, Francisco Magide, suliñou a xenerosidade do filántropo Camilo Yáñez, orixinario de Parada e residente en Barcelona, patrocinador do premio de fotografía Rosa Pons.


A “laudatio” correu a cargo de Manuel Carrete, profesor da Universidade de Barcelona e presidente do Centro Galego de Barcelona. Con verbo afectivo e apaixoado, escomenzou cunha encendida defensa das aportacións do mundo da emigración para a cultura galega, para ir logo degrañando as actividades e a traxectoria de Valdés a prol da comunidade galega dentro e fora do país. Na sua disertación Manuel Valdés, ademáis de lembrar vivencias e andanzas da sua infancia, agradeceu emocionado que “o meu pobo e os meus veciños se lembren de min”, e defendeu o valor da língua, que chamou a preservar e espallar. “Nós temos unha língua propia, non a temos que inventar nin alugar, así que usémola e promocionemola”. No transcurso do acto tivo lugar a entrega de premios do concurso de microrrelatos Parada de Sil-Ribeira Sacra. O primeiro premio, dotado con 1.000 euros foi para a escritora madrileña María Cabezas Ruíz; o segundo, dotado con 500 euros, foi para Ariadna Fernández Colunga, unha xove escritora leonesa. Debido á calidade dos traballos, o xurado fixo unha mención excepcional para o traballo “A miña serea” do vigués Xosé Alfredo Fernández, para quen o patrocinador otorgou 300 euros, a pesares de non estar contemplado nas bases. Finalmente, tivo lugar o acto de descuberta dunha placa de lousa na casa natal de Manuel Valdés, no pobo de Sacardebois. O acto contou coa presencia da coral Vellos Amigos de Manuel de Dios, baixo a batuta de Juan Feijóo, que interpretou o poema “O Carro” en homenaxe ao poeta monfortino Manuel María, a quen está adicado o Día das Letras, así como o himno de Ourense, de Manuel de Dios. O mesmo grupo pechou a xornada coa interpretación do himno galego en Sacardebois. 




(05/05/2016)

O concello contratará unha persoa durante cinco meses para un punto de atención á mocidade

O concello de Parada ten previsto contratar un traballador/a por un prazo de cinco meses para prestar os seus servizos nun punto de atención á mocidade. A contratación producirase, previsiblemente, na tercera semana de maio. A selección farase mediante oferta de emprego público e os participantes han de estar inscritos como demandantes de emprego na categoría de auxiliar administrativo antes do 6 de maio. Valorarase a posesión do bacharelato superior, experiencia acreditada na organización de actividades relacionadas ca mocidade e tempo libre, manexo de informática, carnet de conducir clase B, coñecemento do concello e empadroamento. Os seleccionados recibirán unha carta da Oficina de Emprego indicando data para presentar a documentación que acredite os requisitos demandados.


(03/05/2016)

Xa está aberta a inscripción para a marcha nacional de montañeiros veteranos 2016 que terá lugar o 30 de setembro e o 1 de outubro

Dende o pasado día 1 de maio está aberto a inscrición para participar na XLIII Reunión e Marcha Nacional de Montañeiros Veteranos 2016, que terá lugar en Parada os días 30 de setembro e 1 de outubro próximos. Quenes formalicen a sua inscrición antes do 20 de agosto terán unha bonificación do 50%, polo que pagarán 12 euros. Entre o 21 de agosto ata o 20 de setembro será posible inscribirse, pero pagando a tarifa normal, que ascende a 24 euros. A entrega de credenciais e documentación será realizada o día 30 de setembro de 2016 en Parada. Será de xeito persoal e presencial, previa presentación da tarxeta federativa e o DNI ou documento acreditativo similar. Para mais información, prema no seguinte enlace: http://ribeirasacracm.org/blog/xliii-reunion-y-marcha-nacional-de-montaneros-veteranos/.


(03/05/2016)

Atlantis grava un programa para a TVG sobre a Casa do Chocolate de Teimende e a familia antigua propietaria


A produtora galega Atlantis Multimedia acaba de gravar un programa encadrado na serie “Meus” para a Televisión de Galicia, que ten como eixo a Casa do Chocolate de Teimende a través da familia Casares, nomeadamente a viuva e as fillas de Ricardo Casares, na sua calidade de propietarias ata a cesión ó concello do inmoble e a maquinaria da antigua fábrica. A gravación desenvolveuse durante tres días en escearios distintos, co pobo de Teimende e a Ribeira Sacra como eixos. No aspecto humán destácase a figura de Ricardo Casares, que escomenzou a elaborar chocolate de neno na fábrica artesanal que posuía o seu pai, Arturo Casares, e que despois continuou durante medio século, traxectoria na que abordou a mecanización do proceso e a modernización na presentación e na introducción de novos tipos de chocolate ata a sua xubilación. O programa finalizou cunha foto de familia diante da casa-museo, no transcurso dun acto no que tamén participaron veciños que relataron as suas lembranzas de infancia en relación ca fábrica do chocolate, que axudaban a elaborar do que logo recibían unha porción como recompensa. Facendo honra a tradición, serviuse chocolate á taza con bica. Está previsto que sexa emitido pola TVG no transcurso dos próximos meses. 

(31/03/2016)

A madrileña María Cabezas, gaña o premio de microrrelatos Parada de Sil-Ribeira Sacra, con “Amor en las antípodas”


A escritora madrileña María Cabezas Ruíz, da localidade madrileña de Las Rozas, foi a gañadora do premio de microrrelatos Parada de Sil-Ribeira Sacra, dotado con 1.000 euros. O segundo premio, dotado con 500 euros, foi para o traballo “Me desperté” da autora leonesa Ariadna Fernández Colunga. Así mesmo, o Xurado considerou oportuno facer unha mención especial ao microrrelato titulado “A miña serea” de Xosé Alfredo Fernández, de Vigo. Como é xa costume, o xurado estivo presidido polo profesor Antonio Carreño, catedrático emérito da Brown University, e veciño de Parada de Sil; con él formaron parte o escritor Edelmiro Fernández Naval e Arturo Fernández Nóvoa, catedrático emérito de Lingua castelá. Sobre eles recaeu a ardua tarefa de ler os 625 traballos que concorreron ao certame na presente edición, procedentes de todas as comunidades autónomas españolas, ademais de Estados Unidos, Colombia e Arxentina, entre outros países. A entrega de premios está fixada para o sábado 14 de maio no salón de actos da Casa Consistorial, con motivo da celebración de festa das Letras Galegas. A alcaldesa, Yolanda Jácome, puxo de manifesto a súa satisfacción polo alto nivel de participación e o nivel dos traballos presentados, xa que o xurado definiu como “complexa” o labor de selección para designar os finalistas. Así mesmo, a rexedora quixo mostrar o seu “agradecemento e o da institución municipal” ao profesor Eugenio Prieto Pérez, patrocinador do premio e tamén orixinario do municipio. “A súa achega -sinala Jácome- permite levar a cabo un gran certame que significa unha importantísima promoción de Parada de Sil e a Ribeira Sacra en España e fóra dela, circunstancia que repercute no incremento de visitantes que estamos a rexistrar nos últimos anos. É un paso máis na meta de conseguir a declaración da Ribeira Sacra como Patrimonio da Humanidade por parte da Unesco”, apuntou a alcaldesa. 

Os mellores relatos: a continuación ofrecemos os traballos gañadores (primeiro e segundo premio, mais un terceiro con recoñecemento especial do xurado), xunto con outros cinco que sin obter premio, acadaron as mellores puntuacións por detrás dos galardoados. Aparecen no idioma orixinal no que foron escritos.

Ver os microrrelatos (01/02/03/04/05/06/07/08).


(12/03/2016)

O FALLO DA IV EDICIÓN DO CONCURSO DE MICRORRELATOS RETRASARASE ATA O 31 DE MARZO DEBIDO Á ALTA PARTICIPACIÓN

O fallo da cuarta edición do concurso de Microrrelatos de Parada de Sil, instituido grazas á aportación realizada polo catedrático Eduardo Prieto, orixinario deste concello, retrásase ata o próximo 31 de marzo, xoves, en vez do día 17, como se sinalaba nas bases da convocatoria. O cambio débese á alta participación rexistrada, con 625 traballos presentados, que esixe un maior prazo de tempo para que o xurado poida levar a cabo o seu cometido co rigor necesario. A entrega do premio aos galardoados terá lugar o sábado 14 de maio, na casa do Concello, coincidindo coa celebración dos actos das Letras Galegas, como ven sendo tradicional.


(12/03/2016)

O CONCELLO PORÁ UN AUTOBÚS PARA ASISTIR Á FEIRA DO VIÑO DE AMANDI, QUE ESTE ANO ESTARÁ ADICADA A PARADA DE SIL

Parada de Sil será o concello invitado na trixésimo sexta edición da Feira do Viño de Amandi que terá lugar os días 19 e 20 de marzo. Os actos terán lugar no segundo día do certame de exaltación do viño e con tal motivo o concello de Parada porá un autobús á disposición dos veciños que queiran asistir, ainda que é condición imprescindible que se xunten un mínimo de quince peticións. De ser así, o autocar sairía o devandito domingo 20 de marzo ás 10,00 da mañán da Praza do Barquilleiro e voltará de Sobor ás 18,00 horas. Os interesados poderán anotarse ata o xoves 17 de marzo nas dependencias do propio Concello, ou chamando ó teléfono 988 208010.


(09/03/2016)

CURSO BÁSICO PARA A OBTENCIÓN DO CARNÉ OFICIAL DE MANIPULADOR-APLICADOR DE PRODUTOS FITOSANITARIOS

Dende o pasado 30 de novembro de 2015, usuarios e vendedores de produtos fitosanitarios deben estar en posesión dun carné que acredite coñecementos apropiados para exercer a sua actividade conforme ó disposto no Real Decreto 1311/1012. A norma afecta a particulares que adquiran e/ou apliquen produtos fitosanitarios; ós agricultores que non dispoñan de persoal auxiliar na mesma explotación; ó persoal auxiliar das empresas e outras entidades adicadas á aplicación de produtos fitosanitarios. A modalidade do curso será presencial e terá unha duración de 25 horas. Será impartido nas dependencias do concello de Parada de Sil. O curso de manipulador-aplicador de produtos fitosanitarios de nivel básico é totalmente individualizado, no que o asistente aprenderá tanto a manipulación do produto como a calcular as cantidades necesarias do mesmo para a sua aplicación sen riscos. Os participantes recibirán un carné oficial expedido pola Consellería do Medio Rural. As inscricións haberán de formalizarse no concello ou chamando ó teléfono 988 20 80 10 ata o 31 de marzo. O prezo seá de 50 euros mais taxas (8,82 €) por alumno empadroado; 70 euros mais taxas (8,83 €) por alumno non empadroado.


(09/03/2016)

XORNADAS TÉCNICAS DE PODA E INXERTO DE CASTAÑOS

O próximo sábado día 19 de marzo terá lugar no concello de Parada unha xornada técnica sobre poda e inxerto de castaños, cun programa que dará comezo as 09,30 horas, ca recepción dos asistentes. Ás 10,00 terá lugar a acción teórica, que abranguerá ao inxerto, generalidades sobre púa e patrón, obxectivos do inxerto, obxectivos da poda, formas de operar, época de poda, e ferramentas. Ás 11,30 terá lugar a saída hacia unha finca de castaños, onde entre as 12,00 horas e as 14,00 terá lugar unha acción práctica de poda e inxerta. Os teléfonos para inscripcións son o 988 391 085 ou 988 317 946. Tamén se poderán formalizar a través do correo ctc-inorde@inorde.com, ou no propio concello de Parada.


(09/03/2016)

BANDO DA ALCALDESA AVISANDO DAS REVISIÓNS DE ITV PARA VEHÍCULOS AGRÍCOLAS

A alcaldesa de Parada de Sil, Yolanda Jácome, fixo público un bando no que fai saber a todos os propietarios de vehículos agrícolas que o día 30 de marzo, en horario de 9,00 a 13,30 horas e de 15,15 a 18,00 horas levaranse a cabo no concello (na nave da Deputación), as inspeccións periódicas por parte da Estación ITV. Para solicitar cita previa hai que chamar ao teléfono 902 309 000 ou a través da páxina web www.sycitv.com – cita previa.


(07/03/2016)

PARADA CONVOCA A NOVENA EDICIÓN DO CONCURSO FOTOGRÁFICO ROSA PONS FABREGAS, NAS CATEGORÍAS "VISIÓNS DE PARADA DE SIL" OU "LIBRE"

O Concello de Parada de Sil ven de convocar a novena edición do Concurso Fotográfico “Rosa Pons Fábregas”, nas suas categorías habituais: “Visións de Parada de Sil” ou ben “Libre”. O certame ten o doble obxectivo de fomentar a creatividade e, paralelamente, dar a coñecer a diversidade e riqueza histórica, cultural, etnográfica e paisaxística do concello. Ainda se podería considerar un terceiro, xa que na modalidade libre preténdese tamén espallar a arte da fotografía. O premio, que conta cunha dotación de 1.500 € nas suas duas categorías (800 para a categoría “Visións de Parada de Sil” e 700 para a modalidade libre) está patrocinado por Camilo Yáñez Pons, destacado filántropo con Parada de Sil e fillo da lembrada mestra de Parada, Rosa Pons. A data límite para a presentación de traballos é o día 31 de xullo, en tanto que o fallo do xurado daráse a coñecer o día 13 de agosto. As bases do concurso poden ser consultadas no documento adxunto.


Descarga las bases en este enlace.


(29/02/2016)

O CONCELLO DE PARADA DE SIL PON EN VALOR A SÚA BIODIVERSIDADE


O Concello de Parada de Sil, da man da alcaldesa, Yolanda Jácome, está a desenvolver un proxecto de interpretación ambiental para a valorización da Biodiversidade no concello. Este nicho de atracción de visitantes, aínda sen explotar estará en pleno funcionamento antes do verán coa posta en práctica dun conxunto de paneis con información elaborada sobre a vexetación e, en menor medida, sobre animais. Preténdese que os contidos transmitan curiosidades e información amena capaz de asegurar a participación activa de todos os visitantes, especialmente dos nenos e nenas. Por elo incluiranse paneis de contido interactivo. 

Parada de Sil, que forma parte da zona de transición entre as rexións atlántica e mediterránea de Galicia e suma a isto unha gran variabilidade en altitude, que vai da alta montaña á ribeira, permite que os sentidos dos visitantes gocen dunha biodiversidade vexetal e faunística singular, dominada por hábitats e especies nativas e endémicas. A autora do proxecto e a bióloga ourensá Lucía Latorre Piñeiro que ven de rematar un proxecto de preservación da integridad ecoloxica nas illas Seychelles. Nesta primeira fase do proxecto está prevista a colocación dunha serie de paneis no entorno do canón do Río Mao. Co obxecto de que queden perfectamente integrados na paisaxe, a recoñecida arquitecta paisaxista galega Isabel Aguirre, que ren recibido numerosos galardóns mesmo algúns destacados de ámbito internacional, desprazouse ata Parada de Sil para acompañar a autora do proxecto e mais á alcaldesa co obxecto de asesorar sobre a ubicación dos mesmos ó longo da ruta do canón do Mao, hoxe PRG-177, ruta circular homologada pola Federación Galega de Montaña.


(10/02/2016)

PARADA BRILLOU A GRAN NIVEL NA SEGUNDA XORNADA DE “XANTAR” EN EXPOURENSE


Parada de Sil acadou un importante protagonismo na segunda xornada da decimoséptima edición do certame gastronómico Xantar, que tivo lugar en Expourense. O stand municipal foi visitado pola comitiva oficial, integrada pola delegada territorial da Xunta en Ourense, Marisol Díaz Mouteira; o vicepresidente da Deputación de Ourense, Rosendo Fernández; a vicepresidenta da Deputación de A Coruña, Goretti Sanmartín; a alcaldesa de Parada de Sil, Yolanda Jácome, acompañada polo concelleiro de Cultura, Francisco Magide, e outros membros do equipo de goberno; a concelleira de Turismo de Ourense, Isabel Castelo, e os representantes de Porto e Norte, Carlos Ferreira, e da Cámara municipal de Vila Real, José María Magalhaes, respectivamente. As autoridades visitaron o stand de Parada, onde foron recibidas polas autoridades municipais e un bon número de empresarios, comerciantes e veciños desprazados para a ocasión.

Asimesmo, obtivo un importante éxito a oferta gastronómica do restaurante que representaba ao concello de Parada de Sil. O concello de Parada presentou pola mañán a Casa Museo do Chocolate de Teimende, a única destas características existente en Galicia, con presencia da alcaldesa, Yolanda Jácome, e o concelleiro de Cultura, Francisco Magide, xunto co xornalista Lalo Pavón, en representación da familia Casares, cesionaria do inmoble e a maquinaria da antigua fábrica de chocolates de Teimende. O acto contou cunha notable asistencia de público. Os representantes municipais anunciaron a colocación de sinais identificativas nas inmediacións do inmoble, así como a existencia de xestións avanzadas para fabricar chocolate destinado á venda, co nome das industrias Casares. Pola tarde, Yolanda Jácome, voltou a intervir na tribuna oficial do certame para suliñar o esforzo feito polo concello de Parada a través das acción postas en marcha para impulsar a actividade económica, da man, fundamentalmente, do turismo, a castaña e o viño.

Precisamente o viño foi protagonista pola tarde, pois María José Yravedra, responsable e “alma mater” da adega Ronsel do Sil, ofreceu unha cata dos seus caldos, que obtiveron unha excepcional acollida por parte dos participantes. (ver Enoturismo).



(10/02/2016)

PARADA DE SIL, LUGAR MAIS BONITO DE GALICIA SEGUNDO A WEB VIAJESTIC ATRESMEDIA


O concello de Parada de Sil foi elixido como o pobo máis bonito de Galicia dentro do portal de turismo e viaxes Atresmedia "Viajestic", e agora está á espera de poder conseguir a mesma distinción no ámbito estatal. O grupo de goberno de Parada de Sil inscribiuse no concurso desta web en xaneiro, resultando elixido grazas aos votos recibidos dos internautas. O concello tivo coñecemento do resultado o 6 de febreiro e agora concursa para ser o pobo máis bonito de España cuxo período de votación está aberto ata o 26 de febreiro. A distinción a nivel galego encheu de satisfacción á alcaldesa, Yolanda Jácome, e o seu equipo de goberno. Segundo a rexedora, Parada ofrece moito que ver, como os canóns do Sil, o mosteiro benedictino de Santa Cristina, a pasarela do río Mao, os balcóns de Madrid, a necrópole de San Vítor, ademais dunha paisaxe privilexiada co colorido dos viñedos e os bosques de castiñeiros.


(04/02/2016)

ÉXITO NA IV EDICIÓN DA FESTA DA PISA DA CASTAÑA EN PARADA DE SIL, CON ALTA PARTICIPACIÓN POPULAR


Parada de Sil acadou un importante protagonismo na segunda xornada da decimoséptima edición do certame gastronómico Xantar, que tivo lugar en Expourense. O stand municipal foi visitado pola comitiva oficial, integrada pola delegada territorial da Xunta en Ourense, Marisol Díaz Mouteira; o vicepresidente da Deputación de Ourense, Rosendo Fernández; a vicepresidenta da Deputación de A Coruña, Goretti Sanmartín; a alcaldesa de Parada de Sil, Yolanda Jácome, acompañada polo concelleiro de Cultura, Francisco Magide, e outros membros do equipo de goberno; a concelleira de Turismo de Ourense, Isabel Castelo, e os representantes de Porto e Norte, Carlos Ferreira, e da Cámara municipal de Vila Real, José María Magalhaes, respectivamente. As autoridades visitaron o stand de Parada, onde foron recibidas polas autoridades municipais e un bon número de empresarios, comerciantes e veciños desprazados para a ocasión. Asimesmo, obtivo un importante éxito a oferta gastronómica do restaurante que representaba ao concello de Parada de Sil. O concello de Parada presentou pola mañán a Casa Museo do Chocolate de Teimende, a única destas características existente en Galicia, con presencia da alcaldesa, Yolanda Jácome, e o concelleiro de Cultura, Francisco Magide, xunto co xornalista Lalo Pavón, en representación da familia Casares, cesionaria do inmoble e a maquinaria da antigua fábrica de chocolates de Teimende. O acto contou cunha notable asistencia de público. Os representantes municipais anunciaron a colocación de sinais identificativas nas inmediacións do inmoble, así como a existencia de xestións avanzadas para fabricar chocolate destinado á venda, co nome das industrias Casares. Pola tarde, Yolanda Jácome, voltou a intervir na tribuna oficial do certame para suliñar o esforzo feito polo concello de Parada a través das acción postas en marcha para impulsar a actividade económica, da man, fundamentalmente, do turismo, a castaña e o viño. Precisamente o viño foi protagonista pola tarde, pois María José Yravedra, responsable e “alma mater” da adega Ronsel do Sil, ofreceu unha cata dos seus caldos, que obtiveron unha excepcional acollida por parte dos participantes.



(15/01/2016)

CUARTO CONCURSO DE MICRORRELATOS RIBEIRA SACRA

O Concello de Parada de Sil, gracias á doazón do catedrático D.Eugenio Prieto Pérez, natural deste municipio, convoca un concurso de microrrelatos.

BASES:

1.  Os autores han de ter en conta que un microrrelato non é un conto, nin unha anécdota,nin unha ocorrencia. É un relato breve caracterizado pola precisión no contar e no emprego da linguaxe,ademais dunha trama paradóxica e sorprendente.

2.  Os microrrelatos son de tema e estilo libre, poderán estar escritos en galego ou castelán e serán orixinais e inéditos. Poderán presentarse un máximo de dous microrrelatos por autor.

3.  A extensión do texto non excederá as 200  palabras, en formato DIN A-4, a dobre espazo, e tipo de letra TimesNew Roman de 12 puntos.

4. O prazo de entrega finaliza o 4 de marzo de 2016.

5.  Os traballos remitiranse por triplicado ao seguinte enderezo:“Concurso Microrrelatos, Ayuntamiento de Parada de Sil”,  Praza Campo da Feira nº 1  32740  Parada de Sil  Ourense.

6.  Os textos enviaranse só co título e no interior, nun segundo sobre (plica) pechado, incluirase unha ficha co título do relato, o autor, o seu enderezo  e os seus teléfonos fixo e móbil.

7.-O concello como organizador designará o xurado competente que estará presidido polo catedrático e hispanista D. Antonio Carreño.

8.-  O fallo do xurado farase público o 17 de marzo do 2016  sendo inapelable.

9.-  Dotación e fallo do premio: 1º Premio: 1.000 € / 2° Premio: 500 €

10.- A inscrición neste certame supón a total aceptación das bases.

11.-Todas as persoas participantes autorizan ao Concello de Parada de Sil a utilización do relato citando o autor ou autora do mesmo. 

Parada de Sil 14 de xaneiro 2016. A Alcaldesa. Yolanda Jácome

Descarga as bases neste enlace.


(12/01/2016)

OS BALCÓNS DE MADRID, NO CONCURSO DE TVE “SABER Y GANAR”

Na sua edición do 8 de xaneiro, os Balcóns de Madrid foron protagonistas do concurso de TVE “Saber y ganar” que se emite todos os días na sobremesa a través de “La 2”, presentado por Jordi Hurtado. Trátase dun espazo con grande prestixio, xa que leva en antena ininterrumpidamente dende febrero de 1997, sempre co mesmo formato e co mesmo presentador. Nesta ocasión preguntáronlle a unha das concursantes cómo se chamaba o mais famoso miradoiro do Canón do Sil, entre as provincias de Lugo e Ourense. Para ver esa parte do concurso prema no seguinte enlace. A pregunta sobre os Balcóns aparece a partir do minuto 22,40 de programa. http://www.rtve.es/alacarta/videos/saber-y-ganar/saber-ganar-08-01-16/3438683/.


(11/01/2016)

YOLANDA JÁCOME: “O PRINCIPAL PROBLEMA DO RURAL É O ENVELLECEMENTO DA POBOACIÓN

A alcaldesa de Parada de Sil, Yolanda Jácome, afirma nunha entrevista publicada polo xornal La Región, que o principal recurso do concello é o turismo, e que os veciños “debemos crer que se pode vivir dél”, así como que o principal problema do rural galego é o envellecemento da poboación. Sigue a entrevista completa premendo no seguinte enlace: http://www.laregion.es/articulo/ourense/yolanda-jacome-nuestro-motor-turismo-y-debemos-creer-puede-vivir/20160105090518591300.html.


(01/12/2015)

ÉXITO NA IV EDICION DA FESTA DA PISA DA CASTAÑA EN PARADA DE SIL, CON ALTA PARTICIPACIÓN POPULAR


Cerca de catrocentas persoas participaron nesta edición da Pisa da Castaña que escomenzóu en Purdeus ás 11,30 da mañá cUn saúdo da alcaldesa Yolanda Jácome Aos presentes no que puxo de relevo a importancia de recoller as tradicións dos maiores para conservar a memoria. Esta festa, que ten un alto valor etnográfico, dado que é un proceso que escomenza quince días antes secando as castañas nun canizo e movéndoas con un rodo todos os días, algo que fan os veciños voluntariamente, visualízase no día da pisa. Duas persoas no sequeiro botan as castañas nas saquetas que son tiradas por un ventanuco para que as que van a pisar (golpear contra o pisón, consistente nun talleiro de madeira) as recollan. Unha vez golpeadas hai que cribalas, que quizá sexa o máis difícil e o máis espectacular, porque esixe destreza, forza nos brazos e cintura, con moito movemento de cadeira. En paralelo instaláronse postas de artesanía, cervexa de castaña, viño das adegas da Ribeira Sacra, queixos, marmeladas e, como non, os barquillos, para que todos os asistentes puidesen ter un recordo do día, que por certo, estivo magnífico o que permitíu aos asistentes disfrutar, como se pode ver nas fotografías, dunha paisaxe multicolor. Tamén se puideron ver nos castiñeiros uns carteis con refráns alusivos a castaña. Participou o Colexio Virxe dos Remedios de Castro Caldelas elaborando uns debuxos en Primaria que estiveron colocados nun dos postos e fíxose entrega do premio os gañadores. As dúas e media celebrouse un xantar no que participaron máis de 200 comensais e todo elo animado polo grupo musical Os Trabazos de Castro Caldelas. Todos os presentes xa quedaron convocados pola alcaldesa para a celebración da V edición o vindeiro ano. Yolanda Jácome agradeceu aos veciños a súa colaboración para que este evento sexa posible.



(30/11/2015)

UN XOVE CINEASTA ORIXINARIO DE PARADA DE SIL COMPETIU CUNHA LONGAMETRAXE NO FESTIVAL DE SEVILLA

O seu documental “Verengo” naceu dunha experiencia persoal e familiar sobre os avós e o paso xeneracional


Víctor Hugo Seoane, un dos xóvenes valores do cine galego, competiu no Festival de Cine Europeo de Sevilla con “Verengo”, a sua primeira longametraxe que leva un título nada casual, pois ainda que naceu en Vigo porque os seus pais estaban alí, as suas raíces están moi chantadas na Ribeira Sacra, pois o seu pai é de Verengo e a sua nai de Teimende, dous pobos de Parada de Sil; alí viviron e naceron os seus avós. “Íamos moitos fins de semana a Verengo e Teimende, pois a familia xuntábase para facer as faenas en común”, lembra. Na adolescencia puxo encuarentena a sua relación ca aldea, pois era a fase da pandilla, os amigos e, tamén, de marcar territorio propio fronte ó paraugas paterno e materno. Foi como a premonición de que o seu futuro ía estar guiado polas decisión propias..

“Sempre fun un neno moi televisivo”, dí, para explicar a sua querencia pola interpretación e o audiovisual. Formou parte do cadro de alumnos-actores do instituto Santa Irene, no que impartía clases Ferrín, se ben “nunca conseguín ser seu alumno”. Con ises vimbios non pode estranar que o cesto da persoalidade daquil rapaz tivera forma de esceario ou de plató, pero os pais tensaron a corda para o outro lado. Ó final, nen para un nen para os outros, saiu unha cousa así pola metade, pois Víctor apagou aquela luz na testa que lle alumeaba o camiño e o chamaba cara a RESAD (Real Escuela Superior de Arte Dramático), por exemplo, pero tampouco se viu obrigado a meterse en Clásicas ou Medicina –outro exemplo-, así que acabou matriculado en Comunicación Audiovisual e Humanidades. Foi unha sorte de entente cordiale da que se sinte satisfeito por como evolucionou. Dende aquiles 18 anos xa non perdería a independencia, mais sen romper lazos co berce nin ca historia familiar. Como dixera Valente, tal vez o feito de irse fose o xeito de ficar para sempre, así que pasou catro anos de estudante en Madrid, outro como Erasmus nunha escola de cine en Praga, seguido dun tempo en Granada e logo outros dous anos en Alemania. Voltou a Galicia en 2008 e fixo as duas primeiras curtas e, sen sabelo, empezou a xestar “Verengo”, a sua primeira longa, exhibida en Sevilla con gran aceptación. Víctor defínea como “un documental da realidade, pois nas curtas sempre fixen ficción”, que xurdíu “dunha experiencia persoal e familiar. O retorno á terra coincidíu co achado dunhas cintas que meu pai gravara cando meu irmán era pequeno e tiña –o meu pai- mais ou menos a idade que eu teño agora”. “Nese contexto, unha tía preguntábame –era unha invitación- porque non ía a Verengo para filmar ós avós e facer un video de familia, que ela me pagaría”..

Alí retomou o contacto co rural da infancia e topouse outra vez ca Ribeira Sacra. “Empecei a ir cada pouco, cada vez mais tempo, sobre todo en 2009 e 2010, durante cinco anos, de xeito que o que empeozu nun retrato familiar acabou a coller forza e vin que merecía a pena”. Do certame compostelán Cineuropa pedíronlle se podía mandar “algo novo” e enviou unha montaxe do documental. Aquelo gustou, así que “empezaron a animarme a darlle mais corpo”, polo que “seguiu evolucionando e crecendo como película, que foi no que rematou”. Apunta Víctor Hugo Seoane que o proxecto dilatouse no tempo “porque non entendía como remátalo. Falaba do ciclo da vida, da familia, tiña aos meus avós no final meténdose na cama”. Nese tempo “naceu o meu fillo, que resultou determinante para a historia, pois ise acontecemento deulle novo sentido ó traballo, con reflexións sobre o paso do tempo, sobre todo nese lugar tan conectado aos ciclos biolóxicos… así como o paso xeneracional e familiar”. Paralelamente a todo iste proceso, no 2010 foi ó mítico centro educativo de O Pelouro, en Tui. “Cheguei alí para facer unha curta e acabeime quedando como profesor”. E alí sigue, alternando o seu labor e a sua implicación nun proxecto educativo singular, coa actividade de creación audiovisual. De momento, o próximo día 9 vivirá un momento especial, pois proxectarase “Verengo” en Sevilla, xa como proxecto rematado, pois a versión enviada no seu día a Cineuropa foi “como obra en proceso de elaboración”. Víctor Hugo non oculta a sua alegría, pois a presencia nun festival de tanta sona como este “suporá unha gran difusión e levar “Verengo” fóra de Galicia, xa que o certame soe xerar bastante eco para outros festivais e para programacións”. En definitiva, “abre as portas a ir a outros festivais e incluso ao estranxeiro”. Os proxectos de futuro están condicionados polos compromisos vitais e laboráis. “O meu fillo e o traballo en O Pelouro condicionan o aspecto creativo, porque ademáis concibo o cine como moi persoal”. Tén a sua vida repartida entre Madrid –onde traballa a sua compañeira- e Galicia, e dende que naceu o rapaz grava toda esa viaxe constante física e vital. “De feito fixen unha curta de Nadal en 2014 –titulado precisamente “Do voltar”- sobre o feito do retorno á terra”..

De tódolos xeitos, de cara ao futuro “teño moito material novo e, ademáis, ando con proxectos no mundo educativo”. A estas alturas xa queda claro que para Víctor Hugo é moito mais importante vivir que chegar. “Non me gustaría moito, nin tempouco me plantexo iso, vivir adicado exclusivamente ao cine”, afirma, a pesares de ser un apaixoado do medio. Por iso matiza. “O cine tén para min, como dicía, algo persoal e vivencial, como se ve en “Verengo” e non acaba de atraerme a idea de depender directamente dos ciclos de producción”, ainda que sí que lle gustaría “vivir do cine nun sentido amplo, contemplando a docencia, sen ter a obriga de facer exclusivamente películas; ademáis, se fas películas apartadas do ámbito comercial, como é o meu caso, resulta moi difícil. En resumo, “gustaríame poder moverme en ambientes relacionados co cine, a imaxe, o son, a introducción do audivodisual no ensino e como unha perspectiva para mirar a vida… Iso sí”.


(27/11/2015)

IV FESTA DA PISA. SÁBADO, 28 DE NOVIEMBRE.



(27/11/2015)

PARADA DE SIL CONTA CON UN MINICENTRO DE VISITANTES

No entorno do mosteiro de Santa Cristina de Ribas de Sil, despois de  varios anos de estudos e propostas, ven de facerse unha construción de 24 metros de  “arquitectura en cova” con proxecto dos arquitectos ourensáns Alfredo Freixedo e Pedro Diéguez.

A afluencia de visitantes ó longo deste ano pódese cifrar en máis de 20.000 persoas, en base ós datos de venda de entradas e extrapolacións feitas nas horas e días que non hai control das visitas e o mosteiro está pechado. Tal fluxo xenera un problema  dado que non hai baños no entorno. Por elo dende hai anos presentáronse varios proxectos para solucionar este problema e ademais engadir un espazo no que se poida recibir aos visitantes e ter unha minitenda de venda de produtos da Ribeira Sacra. Hoxe, segundo a alcaldesa, Yolanda Jácome, “estas demandas están resoltas” e ó seu entender de xeito totalmente integrado na paisaxe xa que a construción faise a costa do terreo existente mediante osistema de arquitectura en coba, cun proceso de substración e non de adición, polo que non se produce invasión do espazo e mantense a escarpada pendente natural.

Os arquitectos prantexaron nunha fachada totalmente mimetizada co terreo, proxectándose como unha rocha que xurde entre a frondosa vexetación, quedando o formigón visto con color castaño escuro e unha textura gravada imitando as ramas dos castiñeiros. Di Freixedo  que  “a intención é que se produza un proceso natural enriba do formigón, deixando que a auga esvare e humedeza os gravados, ó que medran musgos no inverno que desaparecerán no verán producíndose un proceso de envellecemento que creará unha integración total na paisaxe.

A obra que foi executada pola empresa Díaz Caldelas, contou cun presuposto de 60.194,78 euros e foi posible grazas a sinatura dun convenio de colaboración coa Vicepresidencia da Xunta de Galicia, a quén a alcaldesa expresa o seu agradecemento público. Deste xeito o concello só tivo que aportar 20.396,58 3 euros, correndo o resto a cargo da Xunta.

O Centro abrirá a principios do vindeiro ano e a parte de contar cos aseos e centro de venda de entradas de acceso ó Mosteiro contará con productos da Ribeira Sacra que poderán ser adquiridos polos visitantes como recordo da súa presenta nun lugar único conformado polo Cañón do Sil, o bosque de Merilán de cautiverios e a xoia do románico da Ribeira Sacra, o mosteiro de Santa Cristina de Ribas de Sil.



(11/11/2015)

PROGRAMA DE ACTIVIDADES DE OUTONO (NOVEMBRO)


(11/11/2015)

PARADA CELEBRARÁ O SÁBADO 28 DE NOVEMBRO A CUARTA EDICIÓN DA FESTA DA PISA EN PURDEUS

O sábado 28 de novembro terá lugar en Purdeus (Chandrexa), a cuarta edición da Festa da Pisa, que dará comenzo as 11,30 da mañán cunha recreación da pisa da castaña, proceso tradicional da preparación das castañas secas, que estará aberta a todas as persoas que se acheguen ata Purdeus.

Paralelamente, entre as 11 da mañán e as catro da tarde, desenvolverase  a Feira de productos artesáns, con casetas nas que se exporán productos locais, como viños, cervexas, marmeladas, queixo, pan ou bicas, entre outros.

Ás 14,00 horas dará comezo o denominado Xantar da Castaña, cun menú a base de empanada, xarrete estofado, sobremesas, bebidas e café, a un prezo de 10 euros por persoa. A comida terá lugar baixo unha carpa con calefacción para crear un ambiente mais agradable entre os participantes.

As reservas poderanse facer chamando aos teléfonos  988 208 010 ou 679 060 509. A organización agarda unha nutrida presencia de visitantes, xa que se trata dunha festa que foi medrando ano a ano dende a sua institución, ata o punto de que o pasado ano a pesares da intensa choiva caída ao longo de toda a mañán e mesmo á hora de xantar, encheuse o espazo habilitado para a comida.


(19/10/2015)

PARADA DE SIL CONTA CON CATRO DOS CATORCE LUGARES DE INTERÉS XEOLÓXICO DA RIBEIRA SACRA

O concello de Parada de Sil conta con catro dos catorce lugares de interés xeolóxico da Ribeira Sacra, segundo o proxecto SILXE, que deenvolve un primeiro inventario de Lugares de Interés Xeolóxico para os concellos de Esgos, Nogueira de ramuín, Parada de Sil e A Teixeira na provincia de Ourense, como primeiro paso para afrontar novas oportunidades de crecemento arredor do seu patrimonio xeolóxico, foco de interés para o turismo, a actividade docente e a investigación.

Ademais dos lugares de interese clasificados, no entorno atópanse outros tamén interesantes para o turismo xeolóxico na provincia, que no caso de Parada son a vista da xeomorfoloxía do Cañón do Sil dende o Monte Meda; meandro escavado na rocha no cañón do río Mao; mirador sobre o cañón do Sil, canteira e morfoloxía granítica en Farfaleiro (Fontiñas); estruturas erosivas, marmitas de xigante no río Mao, xunto á ponte de Conceliños; canteira abandoada con granito rico en granates e dique de pórfido moi alterado; neveiro ou pozo da neve no collado de Campo do Eriado, na estrada a Xunqueira de Espadañedo; marmita de xigante colgada sobre o río no inicio do canal antigo do cañón do río Mao; Auga Blancas, sulfurosas de orixe termal nas proximidades da localidade de Calvos, e contacto entre granito e neis “Ollo de Sapo” de grao fino, cerca de San Lourenzo de Barxacova.




(19/10/2015)

ABERTO O PLAZO DE INSCRIPCIÓN PARA AS ANDAINAS DE MAIORES E CATIVOS QUE TERÁ LUGAR O 7 DE NOVEMBRO

Está xa aberto o prazo de inscripción para participar nas andainas para maiores e cativos, que chegan á sua novena edición. A marcha terá lugar o próximo día 7 de novembro, con saída ás 9,30 horas da mañán para os maiores e ás 11,30 para os cativos. A proba senior terá un recorrido de 18,5 kilómetros de lonxitude. A hora límite de chegada está fixada para as 14,30. Durante , en tanto que a dos pequenos terá tres kilómetros. No traxecto dos maiores haberá dispostos catro puntos de avituallamento líquido e dous de froitas. Ó remate haberá xantar e bebida.

Pola tarde haberá magosto gratuito en Sacardebois, con castañas, chourizo e viño. Para mais información, premer no enlace seguinte: 

http://www.ribeirasacracm.org


(10/10/2015)

PARADA DE SIL QUERE APUNTALAR O FLUXO TURÍSTICO CO PROGRAMA DE ACTIVIDADES PARA O OUTONO

MÁIS DE 12.000 PERSOAS VISITARON O MOSTEIRO DE SANTA CRISTINA DE RIBAS DE SIL NO PASADO MES DE AGOSTO.


Parada de Sil consolídase como concello turístico despois da progresión constante de visitantes que recibe ó longo dos últimos anos, como o certifica o feito de que mais de 12.000 personas pasaran polo mosteiro de Santa Cristina no pasado mes de agosto.

O traballo de promoción e a ampliación da oferta e das infraestruturas por parte do goberno municipal “ten contribuido decisivamente ó forte incremento no número de visitantes”, segundo afirma a alcaldesa Yolanda Jácome, quen engade que ca actividade rexistrada no sector do viño e da castaña, “están facilitando o despegue socioeconómico de Parada de Sil”.

Convencida de que o labor iniciado polo seu antecesor, Francisco Magide, ten convertido o turismo nun dos eixos clave na recuperación da Ribeira Sacra, a rexidora de Parada anuncia que o seu equipo quere “dar un acelerón para conseguir que no resto do ano se manteña o fluxo de turistas” en busca da maior desestacionalización posible.

Para elo, o concello vén de poñer en marcha o programa de actividades para o outono, que chegan a sua cuarta edición baixo a denominacion de “Descobre as paisaxes ao son da caída da folla”. Segundo a alcaldesa, o obxectivo é “lograr que o concello resulte ainda mais atractivo para os visitantes”.

Este ano a oferta vese incrementada debido a que o Consorcio de Turismo Ribeira Sacra pon en marcha un programa propio con motivo da “Caída da Folla”, que xa escomenzou o pasado día catro, primeiro domingo do mes cunha ruta de sendeirismo guida, polo miradoiro de Cabezoás, no entorno de Fondodevila (Ruta de Castiñeiros e Carriozas) con magosto picnic na zona dos Balcóns de Madrid.

Esta actividade repetirase o próximo día 11. O día 12 e tamén promovido polo Consorcio de Turismo Ribeira Sacra coa organización de “Rutea Guías de Ourense”, desenvolverase unha actividade de “Geocaching” polos alrededores de Parada de Sil, dirixida a familias.

Os participantes terán que buscar varios tesouros relacionados coa castaña, ó tempo que van coñecendo aspectos da vida e tradicións do concello.

Paralelamente están previstos xogos para cativos na zona dos Balcóns de Madrid. A información detallada destas actividades pode verse na web do Consorcio de Turismo Ribeira Sacra, onde figuran as instrucións para a inscrición. Xa organizado polo concello de Parada de Sil e outras entidades locais, o 7 de novembro terá lugar a IX Andaina da Castaña para adultos e cativos coincidindo coa festa máis tradicional do Magosto de Sacardebois onde se poderán degustar pola tarde chourizos, castañas e viño de xeito gratuito. 

O día 15 de novembro terán lugar as III Xornadas Micolóxicas na Fábrica da Luz, auténtico centro dinamizador do concello. 

O día 21, está programada a I Maratón Fotográfica de Parada de Sil, dende as 10 da mañan ata as 20 horas.

Subliña a alcaldesa de Parada que quenes acudan “han ee vir preparados para disfrutar de tanta beleza como supón a caída da folla das viñas e dos castiñeiros nos bancais, pois constitúen un espectáculo cromático que asombra ós visitantes”. 

Como colofón as actividades, o día 28 de novembro celebrarase a terceira edición da Festa da Pisa da Castaña e Feira de produtos locais en Purdeus, “festa de recuperación da nosa historia na que iste labor, hoxe festivo, era un traballo que logo reportaba alimento para unha boa parte do ano.

A iniciativa ten un forte compoñente etnográfico e vai acompañada por unha feira de produtos da zona que van dende bica de castaña ata queixo de cabra, barquillos ou cervexa de castaña. 

A maiores, ó longo de todos os fins de semana do mes de novembro, os restaurantes do concello ofrecerán menús elaborados a base de castañas.


O 7 DE NOVEMBRO TERÁ LUGAR A IX EDICIÓN DA ANDAINA PARA MAIORES E CATIVOS

O próximo 7 de novembro terá lugar a novena edición da Andaina para maiores e cativos, respectivamente. A primeira sairá ás 9,30 da mañán, cun percorrido de 18,5 kilómetros, con hora límite de chegada de volta a Parada ás 14,30 horas. A dos pequenos, pola sua banda, tén fixada a saída para as 11,00 horas, cun percorrido de tres kilómetros.

Na andaina de maiores haberá dispostos catro puntos de avituallamento líquido e dous de froitas. Ó remate haberá xantar e bebida. Para mais información: http://www.ribeirasacracm.org


(13/09/2015)

OS BALCÓNS DE MADRID, PORTADA NUN FOLLETO TURÍSTICO DA XUNTA PARA PROMOCIONAR O OUTONO NA COMUNIDADE GALEGA

Unha imaxe ca vista do canón do Sil dende os Balcóns de Madrid é a portada dun folleto turístico editado pola xunta para promocionar o turismo de natureza no outono dentro da Comunidade. O traballo titúlase “Vive un outono de altura” e subtitulado “Prepárate para gozar de grandes experiencias en plena natureza e sen sair de Galicia”.

No interior, o folleto, de catro páxinas a cor, fai énfase nos centros BTT, dos que dí que “se o teu é descubrir novos camiños sobre dúas rodas, atoparás o plan perfecto na rede de Centros BTT Galicia: espazos ó aire libre deseñados e preparados para a práctica da bicicleta de montaña”. Na rede de centros BTT de Galicia está o da Ribeira Sacra.

Tamén fai mención á ornitoloxía, “unha actividade única para achegarte ás paisaxes autóctonas dende unha perspectiva singular”, nomeando todos os espazos naturais de Galicia. Por último, ofrece outra alternativa invitando a desconectar “do día a día percorrendo os recunchos mais virxes da nos aterra.

Déixate envolver polo aroma, as cores e os sons dunhas paisaxes inigualables, cunha fauna e unha flora dignas de admirar”. Entre elas apunta os bosques da Ribeira Sacra, que xunto ca ribeira adicada ó viño, adquire no outono unha beleza cromática indescriptible.

 

(20/08/2015)

Lois Anxo Cid e Miguel Planels, gañadores do VIII Concurso Fotográfico Rosa Pons.

Na oitava edición Do concurso fotográfico Rosa Pons de Parada de Sil, que pretende contribuir modestamente a fomentar a fotografía e a promocionar o concello de Parada, fallou onte o xurado composto pola fotoxornalista Rosa Veiga, o fotógrafo ourensán Plácido Rodríguez e Xosé Antón Vázquez presidente da Asociación Cultural Ouro do Sil, de Parada de Sil.

O xurado destacou o alto nivel das fotografías presentadas sobre todo no tema libre, onde priorizaron os retratos e temas de viaxe, polo que a elección foi moi difícil. Despois da valoración resultou gañador do Tema Visións de Parada de Sil dotado con 800 euros, Lois Anxo Cid García, de Xunqueira de Espadañedo coa fotografía titulada "Onde fuxir" e no tema libre o agraciado foi Miguel Planels, de Banyoles, Girona, que recibirá 700 euros.

Dende o concello, a alcaldesa Yolanda Jácome, amósase satisfeita coa participación e quere agradecer públicamente o patrocinador do concurso, Camilo Yañez, empresario natural de Parada de Sil afincado en Barcelona, o seu mecenazgo por oitavo ano consecutivo. Tamén quere expresar o seu agradecemento ao xurado, que de xeito voluntario adicou o seu tempo a resolver o concurso.

A partir da fin de semana as fotografías estarán expostas no salón de plenos en horario de oficina e sábados todo o día e domingo pola mañá.

A entrega de premios terá lugar o día 27 de agosto ás sete e media da tarde no salón de plenos do concello nun acto público no que estará presente o patrocinador do mesmo.

 

(17/08/2015)

O CERTAME AQUA MÚSICA, NOVA APOSTA CULTURAL PROMOVIDA POLO CONCELLO DE PARADA DE SIL

A primeira edición do certame de música coral Aqua Música, constitúe a nova aposta cultural do concello de Parada, que terá lugar o próximo sábado 22 de agosto, a partires das 20 horas, na igrexa de Santa Mariña.

O evento está organizado pola coral Aqua Música de Ourense e conta coa colaboración do concello de Parada de Sil e do Consorcio de Turismo Riberira Sacra. Nel participarán catro corais, tres galegas e unha portuguesa. Trátase da Agrupación Breogán, de San Pedro de Moreiras; a Coral Cantemos, de Salvaterra de Miño; e o grupo popular Os Teimosos de Monçao (Portugal).

 

É un certame non competitivo no que cada coral deleitará ó publico asistente con catro cancións. Recorda a alcaldesa Yolanda Jácome que o ano pasado actuou a coral madrileña San Viator, causando profunda satisfacción entre os aistentes, cousa que agarda se repita este ano.

 

O concello quere agradecer a coral Aqua Música a súa aposta porque este certame de corais Ribeira Sacra se organice en Parada de Sil, e como todo o que se fai dende hai oito anos, segundo manifestación da alcaldesa, coa esperanza de que teña vocación de continuidade.

 

 

(26/07/2015)

O GRUPO MEROPE PECHA O CICLO DE MÚSICA "ECOS DA PEDRA - SONS DA TERRA" EN SANTA CRISTINA O DÍA 2 DE AGOSTO