Tres agrupacións polifónicas participarán na cuarta edición do certame "Aqua Musica", que terá lugar o próximo sábado, día 18, na igrexa de Santa Mariña de Parada de Sil a partires das 20 horas. Serán a agrupación Coral Encina, de Mata, en San Felices de Buelna, en Cantabria, que conta cunha extensa e intensa traxectoria no eido da música polifónica. A segunda coral será a Polifónica de Oleiros, con máis dun cuarto de século de bon facer na música coral, en tanto que completa o programa a coral "Aqua Musica" de Ourense, que ademais é a organizadora, xunto co concello de Parada de Sil e o respaldo do Consorcio da Ribeira Sacra e a Deputación de Ourense.
