A micoloxía gana terreo en Parada e consolídase como un territorio propicio para esta actividade, debido ás condicións naturais do territorio. Elo explica o éxito que están tentdo as Xornadas Micolóxicas, que este ano chegaron a oitava edición, dentro das actividades do outono que programa o Concello, e que neste caso teñen como centro de operacións a Fábrica da Luz. A xornada contou cunha notable participación de afeccionados e arrancou cunha charla arredor dos “Utilidades alternativas dos cogomelos: usos nutracéuticos, fabricación de coiros veganos e tintas ecolóxicas”. A continuación, houbo unha sesión de identificación dos cogomelos máis comúns no termo municipal de Parada.
Despois, sobre as doce tuvo lugar a saída dos participantes para buscar cogomelos polos espazos naturais do entorno, que servirían de base para un xantar de confraternización. Na sesión vespertina, tuvo lugar a identificación dalgunhas das especies recollidas.
O edil de Cultura, Francisco Magide, amosouse “moi satisfeito polo desenvolvemento da xornada e polo resultado. Os participantes desfrutaron da actividade e tamén “do colorido espectacular que se ofrece á vista ca caída da folla nos bancales de viñedo, dos castaños e o resto da riqueza vexetal existente”. Ademáis, sinalou Magide que, “a través das setas coñecemos outras cousas, xa que unha das que foron recollidas polos participantes, que non é comestible, “pero que funciona como un perfecto indicador de que o bosque e o medio se atopa en condicións óptimas, segundo apuntan os expertos, o cual é outro motivo de alegría para Parada”.
(Á esquerda, momento da identificación de cogomelos. Á dereita, variedade de seta non comestible, cuxa existencia revela o bó estado do monte).
